بالله عليك..

بالله عليك..ما تحزنشِ..
يا طير يا صغير...
قوم ..إصلب طولك..وإرفع راسك..
قوم السكة لسة طويلة...
ويا ما حكيت عنها..والفرحة في العيون...
وشميت في كلامك موجة حنين مجنون..
وباركنا الحب اللي اتولد..
باركنا القلب اللي بيها مفتون..
باركنا الخطاوي اللي ماشيالها..
لأجل تشبكها بوردة صباح بريء...
ولما أخيراً اللسان باح..
القلب في عتمة الحقيقة ...إنكسر
بالله عليك ..يا طير يا صغير..أوعى تنكسر..
مين يعرف بكرة فيه إيه..
ولا تخلي السكينة تدبحك يا طير..
كل يوم ..بشمسه..وهواه...
بيغسل كام قلب بنار الحب إنكوى..
بالله عليك..ماتخلي الدمع يسترسب ع الخدود..
يااخويا يا صغير..
ومين عارف بكرة تفتكر اللي حصل..
ببسمة مالية الشفايف..
وبحب ..جديد..مالي القلب...
بالله عليك..ماتحزنشِ..يا طير يا صغير

(ديه حاجة كده للشخص اللي إعتبرته أخويا الصغير..أحمد علاء)