السبت، ٢٦ يونيو ٢٠١٠

قولت أبعد

أنا ما إخترتش أبعد..
وأواعك تقول سبتك..
تعبتني أشواقي اللي عندك..
وإنك أول مرة تحيرني..
..وأول مرة أجرحك أوي..وتجرحني..
وليه.. طول الوقت..انا خايفة..
خايفة منك..يا ترى.. ولا من الأيام...
أول مرة..طعم دمعي اللي جرى على خدي...
ملح..ذوقت مرارته قبل كده وحدي..
قولت أبعد شوية..لربنا...
أبعد..يمكن حبك ليا يصحى من جديد..
تفتكر..إني كنت ليك..ومعاك..
يمكن..في يوم تحن..وترجع..ترجعلي
قولت أبعد..يمكن تحس بدمعتي..
تفتكر فرحي..تفتكر بسمتي..
قولت أبعد..أديك فرصة تفكر..وتقرر
عاوزني في حياتك..ولا مش عاوزني..!!
يا ما..فرحتني..وإديت لقلبي الأمل في بكرة..
ليالي طوال..يااااامااا
دوقتني..عسل حبك..وحنيتك وطيبتك..
وحلاوة قسوتك..ياااامااا
يا ما بكيت..وإنت بعيد...
وكل يوم في البعد,,كأنه بمراراة أول يوم..
كان نفسي قبل ماتمشي..تقولي..
انا بحبك..هرجعلك..
إنتي واحشاني..أوي..هرجعلك..
إنتي قلبي وروحي..ودنيتي..هرجعلك..
قلبي معاكي آمانة..
وأمنيتي..أشوف عيونك..
وألمس إيديكي..
وأضمك في حضني..تكوني ليا..
هرجعلك..
قولت أبعد..
يمكن تفوق..تفتكر..وعدك ليا...
بانك عمرك ما هتبكيني..
وتندمني..
قولت ابعد..يمكن تحس بحرقة قلبي..
بوحشة وحدتي..
اذا كنت حاسس بيا..
كان ورا دموعي..ديه..
صرخة وحدتي..وإنت معايا..
صوت مدفون بقاله سنين جوايا..
بيقولك..بيهز قلبك..بيقولك..
قولي إنك هترجع...
وبسرعة طمني..
ومشيت..
وانا مشيت..وفضلت واقفة عند الباب..
اقول يمكن اوحشه ويرجع..
يسمعني جواه بنده عليه..يرجع..
يمكن شوقه..يدبحه..في عتمة ليله..ينده عليا..
يمكن يرجع..زي زمان وأحلى..
وفضلت مستنيه..عند الباب..
وحدي..
وأسال عيون الناس..عنه..
يمكن يجيلي..خبر منه..
يوم ..واتنين ..وإسبوع عدى..
وكأني لا كنت في حياته..ولا حتى..
..بلحظة..
بس يا رب يفتكرني بخير..
قولت ..أبعد..عشان ..ربنا..شوية
قولت أبعد..وأستخبى ..
وأبكي لوحدي..من قسوته عليا..
غصب عنه.. قسي عليا..
بخوفي منه..جرٌحت فيه
وأكتب رسايل حلوة..كأنها..منه..
وأقفلها..وأرميها تحت عتبة بابي..
وأتفاجيء بيها..وأفتحها..
وبفرحة ولهفه أقراها..
كأنها منه...
وهو ناسيني..برد عليها..
وفي قمة ..فرحتي..
يقع قلمي مني..وتتوه حروفي..
وأفتكر إني بضحك على نفسي..بنفسي..
وأقول..
انا قولت أبعد..يمكن يحس بشوقه يرجع..
يحس إنه ماليش غيره..يرجع..وهو ..
فينه
.....
مش ضعف مني..ببكي..وبنده...
بس إفتكرت إني أغلى من كده عنده..
ومش هيعدي يومين إلا لما يرجع..
قولت ابعد..عشان ربي..
يمكن يغفرلي..
قولت ابعد...
مش ندمانه على قراري..بس هو واخدها بعند..
وحبة كرامه..
وبيتكبر عليا..
وكأني قولت له..مش ريداك..
كان نفسي قبل ما يمشي..
يفهم..
اني مش بأيدي ..إني أقول ...إني هبعد..

الأحد، ٦ يونيو ٢٠١٠

في زمن الفراق

قلبي ...يختلس دقة لهفة إليك..
ويعود..يداريالشوق المؤلم..
قلبي..ماباله يسألني عنك..!!
أجهدته..وانا أُداريه عنك..
وتضربني أعاصير حبك
من كل صوب وحدب..
..وأهرب...
ولا تمل البحث عني
أرهقتني...
أغلق الباب في وجهك..
ونجلس نبكي خلف الأبواب..
..تسألني ما الأسباب...
ولعلني أدرك ما الأسباب..
....
دفاتري
.....
أثقلتها أشواقي إليك...
ومداد الدمع...لم يكفي..
كتبت فيك ..حباً ..وغراماً..
ولن اكف...
فهذا ما تبقى لي...
(
نفسي أعرف كتبتها إمتى ..تقريبا في اوائل عام..2009)تقريبا